കോടിയേരിക്കും ജി.സുധാകരനുമെതിരെ മുല്ലപ്പള്ളി രാമചന്ദ്രൻ. എൻഎസ്എസിന്റെ ചരിത്രം കോടിയേരി പഠിക്കണം. കോടതി കേസെടുത്ത ജി.സുധാകരൻ രാജിവെക്കണമെന്നും കെ പി സി സി പ്രസിഡന്റ് കണ്ണൂരിൽ വാർത്താസമ്മേളനത്തിൽ പറഞ്ഞു
എൻ എസ്സിഎസ്സിനെ കുറിച്ച് കോടിയേരി നടത്തിയത് വിമർശന രൂപത്തിലുള്ള അധിക്ഷേപമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. എൻ എസ്സി എസ്സിന്‍റെ ചരിത്രം കോടിയേരി പഠിക്കാൻ ശ്രമിക്കണം. കേരള നവോത്ഥാനത്തിൽ എൻ എസ്സ് എസ്സ് വഹിച്ച പങ്ക് ചരിത്രം അറിയാത്ത കോടിയേരി മനസ്സിലാക്കണമെന്നും മുല്ലപ്പള്ളി വിമർശിച്ചു.
മന്ത്രി ജി.സുധാകരൻ രാജിവെക്കണമെന്ന് മുല്ലപ്പള്ളി രാമചന്ദ്രൻ. സുധാകരനെതിരായ ആരോപണം ഒറ്റപ്പെട്ട സംഭവമായി കാണാൻ കഴിയില്ല. മുൻ കാലങ്ങളിൽ മജിസ്ട്രേറ്റിനെ സുധാകരൻ അപമാനിച്ചിരുന്നു. സ്ത്രീ ശാക്തീകരണത്തെയും ലിംഗസമത്വത്തെയും കുറിച്ച് സംസാരിക്കുന്ന പാർട്ടിയാണ് സിപിഎം. മന്ത്രി രാജിവെക്കണമെന്നത് പൊതുസമൂഹത്തിന്‍റെ വികാരമാണെന്നും മുല്ലപ്പള്ളി കണ്ണൂരിൽ മാധ്യമങ്ങളോട് പറഞ്ഞു.