തൃശ്ശൂര്: തൃശ്ശൂര് പെരിഞ്ഞനത്ത് വാഹനാപകടത്തില് ഒരു കുടുംബത്തിലെ നാലുപേര് മരിച്ചു. കാറും ലോറിയും കൂട്ടിയിടിച്ചാണ് അപകടം. ആലുവ പളളിക്കര സ്വദേശി രാമകൃഷ്ണന്( 68), ബന്ധു നിഷ( 33) , മൂന്നരവയസ്സുളള ദേവനന്ദ, രണ്ടുവയസ്സുകാരി നിവേദിക എന്നിവരാണ് മരിച്ചത്. കാര് ഡ്രൈവര് ഉറങ്ങിയതാകാം അപകടത്തിന് കാരണമെന്നാണ് പ്രാഥമിക നിഗമനം. ഇവര് ഗുരുവായൂര് ക്ഷേത്ര ദര്ശനം നടത്തി തിരികെ വരികയായിരുന്നു.
