കണ്ണൂര്, കാസര്കോട് ഒഴികെയുള്ള എല്ലാ ജില്ലകളിലും ഇന്ന് വ്യാപക മഴ പെയ്യുമെന്നാണ് മുന്നറിയിപ്പ്. പത്തനംതിട്ട, കോട്ടയം, ഇടുക്കി ജില്ലകളില് ഓറഞ്ച് അലര്ട്ട് പുറപ്പെടുവിച്ചു.
24 മണിക്കൂറില് 115.6 മില്ലിമീറ്റര് മുതല് 204 മില്ലി മീറ്റര് വരെ മഴ ലഭിക്കുമെന്നാണ് കാലാവസ്ഥാ വകുപ്പിന്റെ പ്രവചനം. ഒന്പത് ജില്ലകളില് യെല്ലോ അലര്ട്ടാണ്. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ശനിയാഴ്ച കണ്ണൂര്, കാസര്കോട് ഒഴികെയുള്ള ജില്ലകളില് യെല്ലോ അലര്ട്ടാണ്. ഞായറാഴ്ച പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്ട്ടുള്ളത്. മലയോര മേഖലകളില് ശക്തമായ ഇടിയോടു കൂടിയ മഴയ്ക്ക് സാദ്ധ്യതയുണ്ടെന്നും നിര്ദ്ദേശമുണ്ട്.
അതേ സമയം തിരുവനന്തപുരം ജില്ലയിലെ പല സ്ഥലങ്ങളിലും കനത്ത മഴ പെയ്യുകയാണ്. ശക്തമായ മഴയെ തുടര്ന്ന് കോട്ടയം മെഡിക്കല് കോളേജ് ഒപിയില് വെള്ളം കയറുകയും ചെയ്തു.