വിദേശത്തേക്ക് ചികില്‍സയ്ക്ക് പോകുന്ന മുന്‍ മുഖ്യമന്ത്രി ഉമ്മന്‍ചാണ്ടിക്ക് ആശംസകള്‍ നേരാന്‍ നേരിട്ട് വസതിയില്‍ എത്തി എഐസിസി ജനറല്‍ സെക്രട്ടറി കെ.സി വേണുഗോപാല്‍ എംപി. ആൾക്കൂട്ടത്തിൽ നിന്ന് മാറിനിൽക്കുക എന്നത് വളരെ ശ്രമകരമാണ് ഉമ്മൻ ചാണ്ടിക്ക്‌. എത്രയും വേഗം രോഗമുക്തനായി തിരിച്ചെത്തി ആൾക്കൂട്ടത്തിന് നടുവിൽ നിന്ന് അവരുടെ സ്നേഹമനുഭവിക്കാൻ അദ്ദേഹത്തിനാവും. എല്ലാവിധ പ്രാർത്ഥനകളും ആശംസകളും നേരുന്നുവെന്നും കെസി വേണുഗോപാല്‍ എംപി പറഞ്ഞു. സന്ദർശനവേളയിൽ രാഹുൽ ഗാന്ധി ഫോണിൽക്കൂടി അദ്ദേഹത്തോട് സംസാരിക്കുകയും എത്രയും വേഗം രോഗമുക്തനായി തിരിച്ചെത്താൻ ആശംസകൾ നേരുകയും ചെയ്തതായും കെ.സി വേണുഗോപാല്‍ എംപി പറഞ്ഞു.
