ഫുട്ബോൾ താരം സി.കെ വിനീതിനോട് യു ഡി എഫ് സ്ഥാനാർത്ഥി കെ.സുധാകരൻ ശങ്കരനെല്ലുർ അയപ്പൻ തോടിൽ വെച്ച് വോട്ടഭ്യർത്ഥിച്ചു. രാവിലെ മട്ടന്നൂർ നിയോജക മണ്ഡലത്തിലെ തിരഞ്ഞെടുപ്പ് പര്യടനത്തിനിടെ അയപ്പൻ തോട് ജംഗ്ഷനിൽ വെച്ചാണ് സി.കെ വിനിതിനോടും കുടുംബത്തോടും വോട്ടഭ്യർത്ഥിച്ചത്. കുടുംബസമേതം കാറിൽ വീട്ടിലേക്ക് പോകുന്നതിനിടെയാണ് വിനീത് അയപ്പൻതോടിലെത്തിയത്. കെ.സുധാകരനെ കണ്ടപ്പോൾ തന്നെ കാറിൽ നിന്നിറങ്ങിയ വിനീത് നിറപുഞ്ചിരിയോടെ കെ.സുധാകരനെ സ്വീകരിച്ചു.വിനീത് കുടുംബാഗങ്ങൾക്ക് കെ.സുധാകരനെ പരിചയപ്പെടുത്തുകയും ചെയ്തു.