തിരുവനന്തപുരം: സംസ്ഥാനത്ത് കനത്ത മഴ. വിവിധ ജില്ലകളില്‍ രാത്രി തുടങ്ങിയ മഴ ഇപ്പോഴും തുടരുകയാണ്. തിരുവനന്തപുരം, തൃശൂര്‍, ആലപ്പുഴ, കോട്ടയം ജില്ലകളിലും അതിശക്തമായ മഴയാണ്.
നീരൊഴുക്ക് വർധിച്ചതിനെ തുടർന്ന് അരുവിക്കര ഡാമിന്‍റെ മൂന്നാമത്തെ ഷട്ടർ പത്ത് സെന്റീമീറ്റർ ഉയർത്തി. മഴ തുടര്‍ന്നാല്‍ ഡാമിന്‍റെ ഷട്ടർ മുപ്പത് സെന്റീമീറ്റർ ഉയർത്തുമെന്നും ജില്ല ഭരണകൂടം അറിയിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു.
കോട്ടയം, ആലപ്പുഴ, എറണാകുളം, തൃശൂര്‍ ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു. വരുന്ന 48 മണിക്കൂർ കൂടി സംസ്ഥാനത്ത് മഴ തുടരുമെന്ന് കാലാവസ്ഥാ കേന്ദ്രം അറിയിച്ചു.