സ്വർണ്ണക്കള്ളക്കടത്ത് കേസിൽ യുഎഇ കോൺസുലേറ്റിൽ കോൺസൽ ജനറലിൻ്റെ ഗൺമാൻ ആയിരുന്ന ജയഘോഷിനെ കസ്റ്റംസ് വീണ്ടും ചോദ്യംചെയ്യും. പ്രാഥമിക മൊഴിയിൽ പൊരുത്തക്കേടുകൾ കണ്ടതിനെ തുടർന്നാണ് വീണ്ടും ചോദ്യം ചെയ്യുന്നത്. കസ്റ്റംസ് ക്ലിയറൻസ് ഏജന്‍റ്സ് അസോസിയേഷൻ ഭാരവാഹിയെയും സ്വർണ്ണക്കള്ളക്കടത്ത് കേസിൽ ചോദ്യം ചെയ്യുമെന്നും സൂചന .
നേരത്തെ, ജയഘോഷിനെ എൻഐഎ ചോദ്യം ചെയ്തിരുന്നു. നയതന്ത്രബാഗ് വാങ്ങാന്‍ പോയ വാഹനത്തില്‍ ജയഘോഷും ഉണ്ടായിരുന്നതായി തെളിഞ്ഞു. സരിത്തിനൊപ്പമായിരുന്നു കോണ്‍സുലേറ്റ് വാഹനത്തില്‍ പോയത്. എന്നാല്‍ ബാഗില്‍ സ്വര്‍ണമാണെന്നറിഞ്ഞത് മാധ്യമങ്ങളിലൂടെയാണെന്നും ജയഘോഷ് മൊഴി നല്‍കിയിരുന്നു.