കൊവിഡ് കണക്കുകളിലെ അവ്യക്തതയില്‍ കേരളത്തിന് രൂക്ഷ വിമർശനവുമായി കേന്ദ്രം. കൊവിഡ് കണക്കുകള്‍ കൃത്യമായി റിപ്പോര്‍ട്ട് ചെയ്യുന്നതില്‍ കേരളത്തിന് വീഴ്ച സംഭവിച്ചു. കൊവിഡ് മരണങ്ങള്‍ കൂട്ടിച്ചേര്‍ക്കേണ്ടി വന്നത് ചൂണ്ടിക്കാട്ടിയായിരുന്നു കേന്ദ്രത്തിന്‍റെ വിമർശനം. രോഗികളുടെ എണ്ണവും മരണസംഖ്യയും കൃത്യമാകണമെന്നും കേന്ദ്രം നിർദേശിച്ചു.
രോഗ്യവ്യാപനം ഏറ്റവും കൂടുതല്‍ കേരളത്തിലും മിസോറാമിലുമാണ്. ഇരു സംസ്ഥാനങ്ങളിലും ടിപിആര്‍ നിരക്കും വളരെ കൂടുതലാണെന്നും കേന്ദ്രം ചൂണ്ടിക്കാട്ടി. കേരളത്തിന്‍റെ കൊവിഡ് കണക്കുകകളിലെ അവ്യക്തത സംബന്ധിച്ച് പ്രതിപക്ഷം നേരത്തെ ചൂണ്ടിക്കാട്ടിയിരുന്നു.
