തിരുവനന്തപുരം: കേന്ദ്ര സര്ക്കാരിന്റെ തൊഴില് വിരുദ്ധ നയങ്ങള് പിന്വലിക്കണമെന്ന് ആവശ്യപ്പെട്ട് തൊഴിലാളി സംഘടനകള് ആഹ്വാനം ചെയ്ത 24 മണിക്കൂര് ദേശീയ പണിമുടക്ക് ആരംഭിച്ചു. ബിഎംഎസ് ഒഴികെയുള്ള 10 ദേശീയ സംഘടനകളും ബാങ്കിങ്, ഇന്ഷുറന്സ്, റെയില്വേ, കേന്ദ്ര- സംസ്ഥാന ജീവനക്കാര് എന്നിവരുടേതുള്പ്പെടെയുള്ള സംഘടനകളും പണിമുടക്കില് പങ്കെടുക്കുന്നുണ്ട്. തദ്ദേശ തിരഞ്ഞെടുപ്പ് ഓഫിസുകളെ പണിമുടക്കില് നിന്നും ഒഴിവാക്കിയിട്ടുണ്ട്.
ആദായനികുതിദായകരല്ലാത്ത എല്ലാ കുടുംബത്തിനും പ്രതിമാസം 7500 രൂപ വീതം നല്കുക, ആവശ്യക്കാരായ എല്ലാവര്ക്കും 10 കിലോ ഭക്ഷ്യ ധാന്യം സൗജന്യമായി നല്കുക, തൊഴിലുറപ്പ് പദ്ധതിയിലെ തൊഴില് ദിനം 200 ആക്കുക, വേതനം വര്ധിപ്പിക്കുക തുടങ്ങിയ വിവിധ ആവശ്യങ്ങള് ഉന്നയിച്ചാണ് പണിമുടക്ക്.