തിരുവനന്തപുരം: കെപിസിസിയുടെ നേതൃത്വത്തില്‍ സംഘടിപ്പിക്കുന്ന രാജ്ഭവന് മാര്‍ച്ച് ഈ മാസം 13ന്. കേന്ദ്ര സര്‍ക്കാരിന്‍റെ ജനദ്രോഹ നടപടികളും മോദി-അദാനി അവിശുദ്ധബന്ധവും ജനങ്ങള്‍ക്ക് മുന്നില്‍ തുറന്നുകാട്ടാന്‍ പ്ലീനറി സമ്മേളന തീരുമാനപ്രകാരം എഐസിസി ആഹ്വാനം ചെയ്തതാണ് ചലോ രാജ്ഭവന് മാര്‍ച്ച്.
മ്യൂസിയം ജംഗ്ഷനില്‍ നിന്നും രാവിലെ 10.30ന് ആരംഭിക്കുന്ന മാര്‍ച്ച് 11 മണിക്ക് രാജ്ഭവന് മുന്നില്‍ പ്രതിപക്ഷ നേതാവ് വിഡി സതീശന്‍ ഉദ്ഘാടനം ചെയ്യുമെന്നും. നൂറുകണക്കിന് കോണ്‍ഗ്രസ് പ്രവര്‍ത്തകര്‍ ചലോ രാജ്ഭവന് മാര്‍ച്ചില്‍ അണിനിരക്കുമെന്നും സംഘടനാ ചുമതലയുള്ള ജനറല്‍ സെക്രട്ടറി ടി.യു.രാധാകൃഷ്ണന്‍ അറിയിച്ചു.