കണ്ണൂര്‍ സര്‍വകലാശാലയുടെ ബി സി എ ചോദ്യപേപ്പര്‍ അധ്യാപകര്‍ ചോര്‍ത്തിയെന്ന് കണ്ടത്തി. കാസര്‍കോട് പാലക്കുന്ന് ഗ്രീന്‍വുഡ് കോളേജില്‍ ചോദ്യ പേപ്പര്‍ ചോര്‍ത്തിയെന്നാണ് സര്‍വ്വകലാശാലയുടെ സ്‌ക്വാഡ് കണ്ടെത്തിയത്. ബി സി എ ആറാം സെമസ്റ്റര്‍ പരീക്ഷയുടെ ചോദ്യ പേപ്പറാണ് ചോര്‍ത്തിയത്. മാര്‍ച്ച് 18 മുതല്‍ ഏപ്രില്‍ രണ്ട് വരെയായിരുന്നു പരീക്ഷ.
ബി സി എ ആറാം സെമസ്റ്റര്‍ പരീക്ഷയെ തുടര്‍ന്ന് നടന്ന അന്വേഷണത്തിലാണ് കോളേജ് അധ്യാപകര്‍ വാട്‌സാപ്പ് വഴി ചോര്‍ത്തിയെന്ന് കണ്ടെത്തിയത്. സര്‍വകലാശാല സ്‌ക്വാഡ് പരിശോധനയിലാണ് പരിക്ഷാ ചോദ്യപേപ്പര്‍ ചോര്‍ത്തിയത് കണ്ടെത്തിയത്. . മാര്‍ച്ച് 18 മുതല്‍ ഏപ്രില്‍ രണ്ട് വരെയായിരുന്നു പരീക്ഷ . ഇതിന് പിന്നാലെ സര്‍വകലാശാല നടത്തിയ അന്വേഷണത്തിലാണ് അധ്യാപകരാണ് ചോദ്യ പേപ്പര്‍ ചോര്‍ത്തിയതെന്ന് കണ്ടെത്തിയത്. ഗ്രീന്‍വുഡ് കോളേജിലെ അധ്യാപകരാണ് ചോദ്യപേപ്പര്‍ ചോര്‍ത്തിയത്.
കോളേജിന്റെ നടപടിക്കു പിന്നാലെ കണ്ണൂര്‍ സര്‍വകലാശാല അധികൃതര്‍ ഗ്രീന്‍വുഡ് കോളേജിനെതിരെ പൊലീസില്‍ പരാതി നല്‍കുകയായിരുന്നു. ചോദ്യ പേപ്പര്‍ ചോര്‍ന്ന സംഭവത്തില്‍ ജില്ലാ പൊലീസ് മേധാവിക്കും ബേക്കല്‍ പൊലീസിലും സര്‍വ്വകലാശാല പരാതി നല്‍കിട്ടുണ്ട്. ചോദ്യപേപ്പര്‍ ചോര്‍ച്ച അന്വേഷിക്കാനായി സിന്‍ഡിക്കേറ്റ് സമിതിയെ അന്വേഷണത്തിന് നിയോഗിച്ചതായി കണ്ണൂര്‍ സര്‍വ്വകലാശാല വൈസ് ചാന്‍സലര്‍ അറിയിച്ചു.
