ശബരിമലയിലെ കൊടിമര മാറ്റത്തിന്റെ അന്വേഷണവുമായി ബന്ധപ്പെട്ട് മോഹന്ലാലിന്റെയും ദിലീപിന്റെയും മൊഴി പ്രത്യേക വിജിലന്സ് സംഘം രേഖപ്പെടുത്തി. സ്വര്ണം സംഭാവന നല്കിയതിന്റെ വിവരങ്ങളാണ് താരങ്ങളില് നിന്ന് വിജിലന്സ് സംഘം ചോദിച്ചറിഞ്ഞത്.
സ്വര്ണം സംഭാവന നല്കണമെന്ന് അഭ്യര്ത്ഥിച്ചത് സുഹൃത്തായ സുരേഷ് ഗോപിയാണെന്ന് മോഹന്ലാല് മൊഴി നല്കി. തിരുവനന്തപുരത്തെ ജ്വല്ലറിയില് നിന്ന് രണ്ട് പവന് സ്വര്ണം വാങ്ങി സുഹൃത്ത് മുഖേന പമ്പയിലെത്തിച്ചുവെന്നും മോഹന് ലാലിന്റെ മൊഴിയില് പറയുന്നു. തിരുവനന്തപുരത്ത് വെച്ചാണ് മോഹന്ലാലിന്റെ മൊഴിയെടുത്തത്. ദിലീപിന്റെ മൊഴി കൊച്ചിയില് വെച്ചും രേഖപ്പെടുത്തി. സംഭാവന നല്കിയ 27 പേരുടെ മൊഴികളാണ് വിജിലന്സ് രേഖപ്പെടുത്തുന്നത്.
