ന്യൂഡല്ഹി : കൊവിഡ് വാക്സിനേഷന് സംബന്ധിച്ച നിലപാടില് മലക്കം മറിഞ്ഞ് ബാബാ രാംദേവ്. ഉടന് വാക്സിന് സ്വീകരിക്കുമെന്നും ഡോക്ടര്മാര് ദൈവദൂതരാണെന്നും അദ്ദേഹം പറഞ്ഞു. കൊവിഡിനെതിരെയും ആധുനിക വൈദ്യശാസ്ത്ര ചികിത്സയെയും ഡോക്ടര്മാരെയും വിമര്ശിച്ചുള്ള രാംദേവിന്റെ പരാമര്ശം നേരത്തെ വിവാദമായിരുന്നു.
വാക്സിന്റെ രണ്ട് ഡോസുകളും യോഗയും ആയുർവേദവും തനിക്ക് കൊവിഡിൽ നിന്ന് സംരക്ഷണം തരുമെന്നാണ് രാംദേവിന്റെ പ്രസ്താവന. താൻ ഒരു സ്ഥാപനത്തിനും എതിരല്ല. ഡോക്ടർമാർ ദൈവദൂതന്മാരാണ്. എന്നാൽ ചില ഡോക്ടർമാർ മോശം കാര്യങ്ങൾ ചെയ്യുന്നുണ്ട്. അടിയന്തര ചികിത്സയ്ക്കും ശസ്ത്രക്രിയകൾക്കും അലോപ്പതിയാണ് നല്ലതെന്നും രാംദേവ് ഹരിദ്വാറില് പറഞ്ഞു.