ഹർത്താലിനെ വകവെക്കാതെ ഒടിയനെത്തി. മികച്ച വരവേൽപ്പാണ് ആരാധകർ ഒടിയന് നൽകിയത്. ആദ്യ ഷോ 4.30 ന് തന്നെ ആരംഭിച്ചു. സിനിമാലോകവും ആരാധകരും ഒരുപോലെ കാത്തിരുന്ന ദിവസമായിരുന്നു ഇത്. എന്നാൽ മണിക്കൂറുകൾക്ക് മുൻപ് ആ സ്വപ്നത്തിന് തടസ്സമാവുന്ന തരത്തിലാണ് ബിജെപിയുടെ ഹർത്താൽ പ്രഖ്യാപനം. കേരളം ഒന്നടങ്കം ഒടിയനെക്കാണാനായുള്ള കാത്തിരിപ്പിലായിരുന്നു. റിലീസ് മാറ്റുമോയെന്ന ആശങ്കയിലായിരുന്നു ആരാധകർ.

എന്നാൽ എല്ലാ ആശങ്കകളെയും അസ്ഥാനത്താക്കി ഒടിയൻ ആഘോഷമായി തിയറ്ററുകളിലെത്തുകയായിരുന്നു. ഒടിയനെത്തുമ്പോൾ എന്ത് ഹർത്താൽ എന്നായിരുന്നു ആരാധകരുടെ പ്രതികരണം.