കൊല്ലത്തെ യുഡിഎഫ് സ്ഥാനാർത്ഥി എൻ കെ പ്രേമചന്ദ്രൻ നാമനിർദ്ദേശപത്രിക സമർപ്പിച്ചു. ആർഎസ്പി ഓഫീസിൽ നിന്നും പ്രകടനമായെത്തിയാണ് പ്രേമചന്ദ്രൻ നാമനിർദ്ദേശ പത്രിക സമർപ്പിച്ചത് നേതാക്കളും പ്രവർത്തകരും ഉൾപ്പെടെ നിരവധി പേർ പ്രകടനത്തിൽ പങ്കെടുത്തു. കൊല്ലം ജില്ലാ കളക്ടർക്ക് മുമ്പാകെയാണ് പ്രേമചന്ദ്രൻ നാമനിർദ്ദേശ പത്രിക സമർപ്പിച്ചത്. യൂ ഡി ഫ് നേതാക്കളായ ബിന്ദുകൃഷ്ണ, എ.എ അസിസ്സ്, ഷിബു ബേബി ജോൺ, ഡി ദേവരാജൻ, ശൂരനാട് രാജേശഖന് തുടങ്ങിയവർ പത്രികാസമർപ്പണത്തിൽ സംബന്ധിച്ചു .നൂറ് കണക്കിന് പ്രവർത്തകരും നേതാക്കളും അവേശകരമായ വരവേൽപ്പ് നല്കിയാണ് പ്രേമചന്ദ്രനെ കളക്ടേറ്റി ലേക്ക് വരവേറ്റത്. രാവിലെ ആർ എസ്സ് പി യുടെ പ്രമുഖ നേതാക്കളുടെ സ്മൃതി മണ്ഡപങ്ങളിൽ പ്രേമചന്ദ്രൻ പുഷ്പാർച്ചന നടത്തിയിരുന്നു. നേരത്തെ കൊല്ലം ഡി സി സി ഓഫിസിൽ എത്തിയ ശേഷമാണ് പ്രേമചന്ദ്രൻ പത്രികാ സമർപ്പണത്തിന് പോയത്. കൊല്ലത്തെ എൻ ഡി എ സ്ഥാനാർത്തി അഡ്വേ കെ വി സാബുവും ഇന്ന് പത്രിക സമർപ്പിച്ചു. കൊല്ലം ജില്ലാ കളക്ടർ എസ്സ് .കാർത്തികേയന് മുന്നിലാണ് പത്രിക നൽകിയത് .