കണ്ണൂര് സെന്ട്രല് ജയിലിലെ റിമാന്ഡ് പ്രതി കഴുത്തറുത്ത് മരിച്ചു. വയനാട് കേണിച്ചിറ സ്വദേശി ജില്സണ് ആണ് മരിച്ചത്. സെല്ലിനകത്ത് കഴുത്ത് മുറിച്ച നിലയില് കണ്ടെത്തിയ ജില്സണെ ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. അഞ്ച് മാസമായി കണ്ണൂര് സെന്ട്രല് ജയിലില് റിമാന്ഡ് പ്രതിയായിരുന്നു ജിന്സണ്.
ഇന്നലെ രാത്രി ഉറങ്ങാന് കിടന്ന ശേഷം പുതപ്പിട്ട് മൂടി കഴുത്തില് കത്തികൊണ്ട് കുത്തി പരിക്കേല്പ്പിക്കുകയായിരുന്നു. ചോരവാര്ന്ന് കിടക്കുന്നത് കണ്ടപ്പോഴാണ് ആശുപത്രിയില് എത്തിച്ചത്. കഴിഞ്ഞ ഏപ്രില് 14നാണ് ഭാര്യയെ കൊലപ്പെടുത്തിയ കേസില് ജിന്സണ് പ്രതിയാകുന്നത്. ഭാര്യയെ കൊലപ്പെടുത്തിയ ശേഷം ആത്മഹത്യയ്ക്ക് ശ്രമിച്ചിരുന്നു.
