മഴക്കെടുതിയില്‍ ദുരിതമനുഭവിക്കുന്ന പാവങ്ങളുടെ സങ്കടങ്ങള്‍ കേള്‍ക്കാന്‍ സർക്കാർ തയ്യാറാകണമെന്ന് പ്രതിപക്ഷ നേതാവ് വിഡി സതീശന്‍. മുണ്ടക്കയത്തെ സിഎംഎസ് ഹൈസ്ക്കൂളിൽ ആരംഭിച്ച ദുരിതാശ്വാസ ക്യാമ്പ് യുഡിഎഫ് നേതാക്കൾക്കൊപ്പം സന്ദർശിച്ച ശേഷം ഫേസ്ബുക്കിലൂടെ പ്രതികരിക്കുകയായിരുന്നു അദ്ദേഹം.
ഫേസ്ബുക്ക് പോസ്റ്റിന്‍റെ പൂർണ്ണരൂപം :
മുണ്ടക്കയത്തെ സിഎംഎസ് ഹൈസ്ക്കൂളിൽ ആരംഭിച്ച ദുരിതാശ്വാസ ക്യാമ്പ് യുഡിഎഫ് നേതാക്കൾക്കൊപ്പം കഴിഞ്ഞ ദിവസം സന്ദർശിച്ചു. മുറികല്ലുംപുറം ആറ്റുപുറമ്പോക്ക് നിവാസികളുടെ ദുരിതാനുഭവങ്ങളും അവഗണനകളും ആരെയും സങ്കടപ്പെടുത്തും. ഇവരെ പോലെ ആയിരക്കണക്കിന് പാവങ്ങളുടെ സങ്കടങ്ങൾ കേൾക്കാനും അടിയന്തിരമായി പരിഹരിക്കാനും സർക്കാർ തയാറാകണം.