പത്തനംതിട്ട: കൊവിഡ് 19 ന്റെ പുതിയ വകഭേദമായ ഡെല്റ്റ പ്ലസ് പത്തനംതിട്ട ജില്ലയിലെ കടപ്ര പഞ്ചായത്തില് കണ്ടെത്തി. നാല് വയസുള്ള ആണ്കുട്ടിയിലാണ് രോഗം സ്ഥിരീകരിച്ചത്. മെയ് മാസം 24നാണ് കുട്ടി കൊവിഡ് പോസിറ്റീവായത്. ഇപ്പോൾ കുട്ടി കൊവിഡ് നെഗറ്റീവാണ്. കുട്ടിയുടെ സ്രവത്തിന്റെ ജനിതക (ജീനോമിക്) പഠനത്തിലാണ് പുതിയ വേരിയന്റായ ഡെല്റ്റ പ്ലസ് കണ്ടെത്തിയത്.
ഡല്ഹിയിലെ സിഎസ്ഐആര് – ഐജിഐബി (കൗണ്സില് ഫോര് സയന്റിഫിക് ആന്ഡ് ഇന്ഡസ്ട്രിയല് റിസര്ച്ച് ഇന്സ്റ്റിറ്റ്യൂട്ട് ഓഫ് ജീനോമിക്സ് ആന്ഡ് ഇന്റഗ്രേറ്റീവ് ബയോളജി)യില് നടത്തിയ പരിശോധനയിലാണ് വകഭേദം കണ്ടെത്തിയത്. രോഗം പകരാതിരിക്കാനുള്ള കര്ശനമായ നിയന്ത്രണ നടപടികള് സ്വീകരിക്കാന് ജില്ലാ ഭരണകേന്ദ്രം തീരുമാനിച്ചു.