പത്തനംതിട്ട: സിപിഎം ഭീഷണിയെ തുടര്‍ന്ന് അടവി ഇക്കോ ടൂറിസം സെന്‍റര്‍ അടച്ചു. അനിശ്ചിത കാലത്തേക്കാണ് ഇക്കോ ടൂറിസം സെന്‍റര്‍ അടച്ചിരിക്കുന്നത്. ഫോറസ്റ്റ് ഉദ്യോഗസ്ഥരുടെ സംഘടനയുടെ ആവശ്യപ്രകാരമാണ് നടപടി. ജോലി ചെയ്യാൻ കഴിയാത്ത സാഹചര്യമെന്ന് ഉദ്യോഗസ്ഥർ അറിയിച്ചു. ഉദ്യോഗസ്ഥന്‍റെ കെെവെട്ടുമെന്ന് സിപിഎം നേതാവ് ഭീഷണിപ്പെടുത്തിയിരുന്നു. ഈ സാഹചര്യത്തിലാണ് ഇക്കോ ടൂറിസം സെന്‍റര്‍ അടച്ചിട്ട് വനം വകുപ്പ് ഉദ്യാേഗസ്ഥരുടെ പ്രതിഷേധം. വനഭൂമിയിലെ കൊടി നീക്കിയ ഉദ്യോഗസ്ഥന്‍റെ കൈ വെട്ടും എന്നായിരുന്നു സിപിഎമ്മിന്‍റെ ഭീഷണി. കൊച്ചുകോയിക്കലില്‍ തടി പരിശോധിക്കാനെത്തിയ വനിതാ ഉദ്യോഗസ്ഥയെ അടക്കം മർദ്ദിക്കുകയായിരുന്നു.
