കില്ത്താന്: ലക്ഷദ്വീപ് കളക്ടറുടെ വസ്തുതാ വിരുദ്ധമായ പത്രപ്രസ്താവനക്കെതിരെയും കില്ത്താന് ദ്വീപിനെതിരെയുള്ള വിവാദ പരാമർശങ്ങൾക്കെതിരെയും പ്രതിഷേധവുമായി കിൽത്തൻ ദ്വീപ് ബ്ലോക്ക് കോൺഗ്രസ്. കോൺഗ്രസിന്റെ നേതൃത്വത്തിൽ പ്രതിഷേധ റാലി സംഘടിപ്പിക്കുകയും ലക്ഷദ്വീപ് കളക്ടറുടെ കോലം കത്തിക്കുകയും ചെയ്തു.
തുടർന്ന് പന്ത്രണ്ടോളം വരുന്ന കോൺഗ്രസ് പ്രവർത്തകരെ പൊലീസ് അറസ്റ്റ് ചെയ്തു. അറസ്റ്റിനെതിരെ കൊവിഡ് മാനദണ്ഡങ്ങൾ പാലിച്ച് ലക്ഷദ്വീപ് വ്യാപകമായി പ്രതിഷേധത്തിന് ആഹ്വാനം ചെയ്തിരിക്കുകയാണ് കോൺഗ്രസ്. ഇന്ന് ലക്ഷദ്വീപിലെ 10 ദ്വീപുകളിലും കോൺഗ്രസിന്റെ നേതൃത്വത്തിൽ പ്രതിഷേധ പരിപാടികൾ സംഘടിപ്പിക്കും.