ചെന്നൈ : തമിഴ്നാട് തദ്ദേശ തെരഞ്ഞെടുപ്പിൽ മത്സരിച്ച ബി.ജെ.പി സ്ഥാനാർഥിക്ക് ലഭിച്ചത് ഒരു വോട്ട് . കോയമ്പത്തൂർ ജില്ലയിലെ പെരിയനക്കൻപാളയത്ത് മത്സരിച്ച ഡി കാർത്തികിനാണ് ഒരുവോട്ട് മാത്രം ലഭിച്ചത്. എന്നാൽ സ്ഥാനാർഥിയുടെ കുടുംബത്തിൽ തന്നെ അഞ്ചുപേരുണ്ടെന്നും അവരുടെ വോട്ട് പോലും ലഭിച്ചില്ലെന്നും കാണിച്ച് സമൂഹമാധ്യമങ്ങളിൽ ഒട്ടേറെപ്പേർ രംഗത്തെത്തി.
തദ്ദേശ തെരഞ്ഞെടുപ്പിൽ മത്സരിച്ച ബി.ജെ.പി സ്ഥാനാർഥിക്ക് ലഭിച്ചത് വെറും ഒരു വോട്ട്. മറ്റുള്ളവർക്ക് വോട്ട് ചെയ്യാൻ തീരുമാനിച്ച വീട്ടിലുള്ള നാലുപേരെക്കുറിച്ച് അഭിമാനമുണ്ടെന്ന് എഴുത്തുകാരിയും സാമൂഹികപ്രവർത്തകയുമായ മീന കന്ദസ്വാമി ട്വീറ്റ് ചെയ്തു.