യൂത്ത് കോണ്‍ഗ്രസ് അഖിലേന്ത്യാ കമ്മിറ്റി വിവിധ സംസ്ഥാനങ്ങളില്‍ ഭാരവാഹികളെ പ്രഖ്യാപിച്ചു. കേരളത്തില്‍ നിന്ന് സംസ്ഥാന സെക്രട്ടറിമാരായി അഡ്വക്കേറ്റ് വസന്ത് സിറിയക് തെങ്ങുംപള്ളിയും എം എസ് അഭിജിത്തും നിയമിതനായി. കോട്ടയം പാറത്തോട് സ്വദേശിയായ വസന്ത് തെങ്ങുംപള്ളി യൂത്ത് കോണ്‍ഗ്രസ് സംസ്ഥാന വക്താവായി പ്രവര്‍ത്തിച്ചിട്ടുണ്ട്.
ഹൈക്കോടതി അഭിഭാഷകനായി പ്രവര്‍ത്തിക്കുന്ന വസന്ത് തെങ്ങുംപള്ളി അയ്യങ്കാളി പുരസ്‌ക്കാരത്തിന് അര്‍ഹനായിട്ടുണ്ട്. കെഎസ്‌യു ജില്ലാ വൈസ് പ്രസിഡന്റായിരുന്നു എംഎസ് അഭിജിത്. യൂത്ത് കോണ്‍ഗ്രസ് മീഡിയ കോര്‍ഡിനേറ്ററായിരുന്ന അഭിജിത് ‘യംഗ് ഇന്ത്യ കാ ബോല്‍’ എന്ന പരിപാടിയില്‍ ദേശീയ തലത്തില്‍ ഒന്നാം സ്ഥാനം നേടിയിട്ടുണ്ട്. തിരുവനന്തപുരം സ്വദേശിയാണ്.
