തൃശൂർ: വയനാട് ദുരന്തത്തിന്‍റെ പശ്ചാത്തലത്തില്‍ തൃശൂരില്‍ ഇത്തവണ പുലികളി ആഘോഷമുണ്ടാവില്ല. കുമ്മാട്ടി ആഘോഷങ്ങളും ഒഴിവാക്കി. തൃശൂര്‍ കോര്‍പറേഷന്‍റേതാണ് തീരുമാനം. സെപ്റ്റംബർ 18നായിരുന്നു പുലിക്കളി നടത്താന്‍ തീരുമാനിച്ചിരുന്നത്. സെപ്റ്റംബർ 16, 17 തീയതികളിലായിരുന്നു കുമ്മാട്ടിക്കളി തീരുമാനിച്ചിരുന്നത്. വയനാടിന്‍റെ ദുഃഖത്തിൽ പങ്കുചേർന്നുകൊണ്ടാണ് ഈ തീരുമാനം. അതേസമയം വയനാട്, മുണ്ടക്കൈയിലുണ്ടായ ഉരുൾപൊട്ടലിന്‍റെ പശ്ചാത്തലത്തില്‍ സംസ്ഥാനത്ത് ഓണാഘോഷ പരിപാടികളും ചാമ്പ്യന്‍സ് ബോട്ട് ലീഗും ഒഴിവാക്കിയതായി കഴിഞ്ഞ ദിവസം അറിയിച്ചിരുന്നു.
