തിരുവനന്തപുരം : അന്താരാഷ്ട്ര ബന്ധങ്ങളുള്ള സ്വര്ണ്ണക്കള്ളക്കടത്തില് മുഖ്യമന്ത്രിയുടെ ഓഫീസിന്റെ പങ്ക് സി.ബി.ഐ. അന്വേഷിക്കണമെന്ന് ആവശ്യപ്പെട്ട് യു.ഡി.എഫിന്റെ ആഭിമുഖ്യത്തില് ജൂലൈ 9 ന് (വ്യാഴം) സംസ്ഥാന വ്യാപകമായി യു.ഡി.എഫ്. പഞ്ചായത്ത്തല ധര്ണ്ണ നടത്തുമെന്ന് കണ്വീനര് ബെന്നി ബഹനാന് അറിയിച്ചു. അതോടൊപ്പം, കൊവിഡ് പ്രതിരോധ പ്രവര്ത്തനങ്ങളിലെ സര്ക്കാരിന്റെ പരാജയം, പ്രവാസികളോടുള്ള നിഷേധാത്മക നിലപാട്, പെട്രോള്-ഡീസല് വിലവര്ദ്ധന എന്നീ ആവശ്യങ്ങള് കൂടി ഉന്നയിച്ചാണ് പ്രതിഷേധ ധര്ണ്ണ സംഘടിപ്പിച്ചിരിക്കുന്നത്. പൂര്ണ്ണമായും കൊവിഡ്-19 ന്റെ മാനദണ്ഡങ്ങള് പാലിച്ചുകൊണ്ടായിരിക്കും ധര്ണ്ണ നടത്തുകയെന്നും അദ്ദേഹം പറഞ്ഞു.