വാഷിംഗ്ടണ്: അമേരിക്ക മുന്നോട്ടുവെച്ച വെടിനിര്ത്തല് നിര്ദ്ദേശം ഇറാന് തള്ളിയതിന് പിന്നാലെ കടുത്ത ഭാഷയിലുള്ള മുന്നറിയിപ്പുമായി പ്രസിഡന്റ് ഡോണള്ഡ് ട്രംപ് രംഗത്ത്. ഇറാനെ ഒറ്റരാത്രി കൊണ്ട് ഇല്ലാതാക്കാന് തങ്ങള്ക്ക് കഴിയുമെന്നും, ആ രാത്രി ഒരുപക്ഷേ ‘ഇന്നായേക്കാമെന്നുമാണ്’ ട്രംപിന്റെ ഭീഷണി. ഇറാന് യുദ്ധസാഹചര്യത്തെക്കുറിച്ച് രാജ്യത്തെ അഭിസംബോധന ചെയ്ത് സംസാരിക്കവെയായിരുന്നു ട്രംപിന്റെ ഈ പ്രസ്താവന.
തന്ത്രപ്രധാനമായ ഹോര്മുസ് കടലിടുക്ക് പൂര്ണ്ണമായും തുറക്കണമെന്ന യുഎസ് അന്ത്യശാസനം ഇന്ന് അവസാനിക്കും. ഇത് നീട്ടിനല്കില്ലെന്ന് ട്രംപ് ആവര്ത്തിച്ചു വ്യക്തമാക്കിയിട്ടുണ്ട്. ഇറാന്റെ നിലപാട് മേഖലയിലെ സമാധാന ശ്രമങ്ങള്ക്ക് വലിയ തിരിച്ചടിയാണെന്നും, നയതന്ത്ര പരിഹാരങ്ങള് പരാജയപ്പെട്ടാല് ശക്തമായ സൈനിക നടപടിയിലേക്ക് നീങ്ങുമെന്നുമാണ് വൈറ്റ് ഹൗസ് നല്കുന്ന സൂചന.
