കേന്ദ്ര യുവജന മന്ത്രാലയത്തിനു കീഴില്‍ പ്രവര്‍ത്തിക്കുന്ന നെഹ്‌റു യുവ കേന്ദ്ര സംഘതനിന്റെ (എന്‍വൈകെഎസ്) പേര് മാറ്റം ഇന്നലെ നിലവില്‍ വന്നു. മേര യുവ ഭാരത് എന്നാണ് കേന്ദ്രത്തിന്റെ പുതിയ പേര്. അരനൂറ്റാണ്ട് മുന്‍പ് മുന്‍ പ്രധാനമന്ത്രി ജവഹര്‍ലാല്‍ നെഹ്‌റുവായിരുന്നു യുവ കേന്ദ്ര സ്ഥാപിച്ചത്. അവിടെയും സ്ഥാപകനെ തള്‌ലക്കൊണ്ടാണ് പ്രധാനമന്ത്രി പുതിയ പേര് നല്‍കിയിരിക്കുന്നത്. പേര് മാറ്റിയതായി കോഡിനേറ്റര്‍മാര്‍ക്കു അറിയിപ്പ് ലഭിച്ചിട്ടുണ്ട്. എന്‍വൈകെ വെബ്‌സൈറ്റില്‍ ഇപ്പോള്‍ മേരാ യുവഭാരത് എന്ന് ഹിന്ദിയിലും മൈ ഭാരത് എന്ന് ഇംഗ്ലീഷിലുമാണ് നല്‍കിയിരിക്കുന്നത്. ലോഗോയിലും വ്യത്യാസമുണ്ട്.
2023 ഡിസംബറിലാണ് ആദ്യം പേരുമാറ്റം പ്രഖ്യാപിച്ചിരുന്നത്. എന്നാല്‍, ഇന്നലെയാണ് പ്രാബല്യത്തില്‍ വന്നത്. 2023 ഒക്ടോബറില്‍ പ്രധാനമന്ത്രി നരേന്ദ്ര മോദി മൈ ഭാരത് എന്ന പോര്‍ട്ടല്‍ തുടങ്ങിയതു മുതല്‍ എന്‍വൈകെഎസിന്റെ എല്ലാ പരിപാടികളും ഈ പോര്‍ട്ടല്‍ വഴിയാണ് നടന്നിരുന്നത്. 1972ലാണ് ലോകത്തിലെ ഏറ്റവും വലിയ യുവജന സംഘടനകളിലൊന്നായ നെഹ്‌റു യുവ കേന്ദ്ര സംഘതന്‍ നെഹ്‌റു സ്ഥാപിച്ചത്. രാഷ്ട്ര നിര്‍മാണത്തില്‍ യുവാക്കളുടെ പങ്കാളിത്തം ഉറപ്പാക്കുകയായിരുന്നു ഇതിന്റെ ലക്ഷ്യം.
