മുൻ കെപിസിസി പ്രസിഡൻ്റ് തെന്നല ബാലകൃഷ്ണപിള്ളയുടെ വിയോഗത്തിൽ കെഎസ്‍യു സംസ്ഥാന കമ്മിറ്റി അനുശോചനം രേഖപ്പെടുത്തി. സൗമ്യമാർന്ന പെരുമാറ്റം കൊണ്ടും സ്നേഹപൂർണ്ണമായ സമീപനം കൊണ്ടും മാതൃകയായ അദ്ദേഹം പുതു തലമുറക്ക് അനുകരണീയ മാതൃകയാണെന്ന് സംസ്ഥാന പ്രസിഡൻ്റ് അലോഷ്യസ് സേവ്യർ അനുശോചിച്ചു.
രണ്ട് തവണ അടൂരിൽ നിന്നുള്ള നിയമസഭാംഗം, രാജ്യസഭാംഗം എന്നീ നിലകളിൽ പാർലമെൻ്ററി രംഗത്ത് ശോഭിച്ച അദ്ദേഹം, 100 സീറ്റുകളോടെ 2001 ൽ യുഡിഎഫിനെ അധികാരത്തിലെത്തിച്ച് മികച്ച കെപിസിസി അദ്ധ്യക്ഷനുമായി മാറി തെന്നല ബാലകൃഷ്ണപിള്ള.
ആദർശവാനായ കോൺഗ്രസുകാരൻ എന്ന് ആർക്കും അടിവരയിട്ടു പറയാവുന്ന തെന്നല സാറിൻ്റെ ഓർമ്മകൾക്ക് മുന്നിൽ പ്രണാമം അർപ്പിക്കുന്നതായും കെഎസ്‍യു സംസ്ഥാന പ്രസിഡൻ്റ് അലോഷ്യസ് സേവ്യർ പറഞ്ഞു.
