ന്യൂഡല്‍ഹി : കർഷക പ്രക്ഷോഭം അവസാനിപ്പിക്കുന്ന കാര്യത്തിൽ അന്തിമ തീരുമാനം നാളെ. പല കാര്യങ്ങളിലും ഇപ്പോഴും അവ്യക്ത നിലനിൽക്കുന്നതായി സംയുക്ത കിസാൻ മോർച്ച നേതാക്കൾ അറിയിച്ചു. നാളെ കർഷക സംഘടനകൾ വീണ്ടും യോഗം ചേരും. കർഷകർക്കെതിരെയെടുത്ത എല്ലാ കേസുകളും പിൻവലിക്കാൻ കേന്ദ്രം തീരുമാനിച്ചതായാണ് വിവരം.
മുന്നോട്ടുവച്ച ആറ് ആവശ്യങ്ങളിൽ അംഗീകരിക്കാൻ കഴിയുന്നവ രേഖാമൂലം കേന്ദ്രസർക്കാർ കർഷകരെ അറിയിച്ചതോടെ സംയുക്ത കിസാൻ മോർച്ച യോഗം ചേർന്ന് സർക്കാർ നിർദേശങ്ങൾ ചർച്ച ചെയ്തു. കർഷകർക്കെതിരായ കേസുകൾ പിൻവലിക്കുമെന്നും പ്രക്ഷോഭത്തിനിടെ മരിച്ച കർഷകരുടെ കുടുംബാംഗങ്ങൾക്ക് അതാത് സംസ്ഥാന സർക്കാരുകൾ നഷ്ടപരിഹാരം നൽകുമെന്നുള്ള ഉറപ്പ് കേന്ദ്ര ആഭ്യന്തര മന്ത്രാലയം നൽകിയ കത്തിൽ വ്യക്തമാക്കിയിരുന്നു. എന്നാൽ താങ്ങ് വിലയ്ക്ക് നിയമസംരക്ഷണം എന്ന ആവശ്യത്തിൽ വ്യക്തമായ ഉറപ്പ് നൽകിയില്ല. ലഖിപുർ ഖേരി കേസ് അടക്കമുള്ള കാര്യങ്ങളിലും കേന്ദ്രം മൗനം പാലിച്ചു. ഇതോടെ തൽക്കാലം സമരം അവസാനിപ്പിക്കേണ്ടതില്ലെന്ന തീരുമാനത്തിലേക്ക് കർഷ സംഘടനകൾ എത്തിച്ചേരുകയായിരുന്നു. തുടർനടപടികൾ ചർച്ച ചെയ്യുന്നതിനായി അഞ്ചംഗ സമിതിയെ യോഗം ചുമതലപ്പെടുത്തി. നാളെ ചേരുന്ന കർഷക സംഘടനാ നേതാക്കളുടെ യോഗം കേന്ദ്രത്തിന്‍റെ നിർദേശങ്ങൾ വിശദമായി ചർച്ച ചെയ്യും.
കർഷസംഘടനകളുടെ നാളത്തെ യോഗം ഏറെ നിർണായകമാണ്. ഒരു വർഷത്തിലേറെയായി നടക്കുന്ന കർഷക സമരത്തിന്‍റെ ഭാവി നിശ്ചയിക്കുന്ന യോഗം കൂടിയാണ് നാളെത്തേത്. വിവാദ കാർഷിക നിയമങ്ങൾ പിൻവലിച്ചെങ്കിലും താങ്ങുവിലയ്ക്ക് നിയമ സംരക്ഷണം അടക്കമുള്ള ആറ് ആവശ്യങ്ങൾ ഉന്നയിച്ച് സമരവുമായി കർഷ സംഘടനകൾ മുന്നോട്ടുപോവുകയാണ്. ഈ പശ്ചാത്തലത്തിലാണ് സമരം അവാസാനിപ്പിക്കുന്നതിന് വേണ്ടിയുള്ള നിർണായക ഇടപെടൽ കേന്ദ്ര സർക്കാരിന്‍റെ ഭാഗത്ത് നിന്നുണ്ടായത്. ആദ്യമായാണ് രേഖാമൂലമുളള ഉറപ്പ് കേന്ദ്രം കർഷകർക്ക് നൽകിയത്.
കര്‍ഷകരുടെ ആവശ്യങ്ങള്‍ ഇവ
