കൊച്ചി : ബെഗളൂരു മയക്കുമരുന്ന് കേസുമായി ബന്ധപ്പെട്ട സാമ്പത്തിക ഇടപാടില്‍ ബിനീഷ് കോടിയേരിയുടെ കസ്റ്റഡി കാലാവധി നീട്ടി. നവംബർ 11 വരെ ബിനീഷ് ഇ.ഡിയുടെ കസ്റ്റഡിയില്‍ തുടരും.
അതേസമയം അനൂപ് മുഹമ്മദിന്‍റെ ഡെബിറ്റ് കാര്‍ഡ് ബിനീഷ് കോടിയേരിയുടെ വീട്ടില്‍ നിന്ന് കിട്ടിയെന്ന് ഇ.ഡി. ബിനീഷിന്റെ മൂന്ന് ബിനാമി സ്ഥാപനങ്ങളുടെ വിവരം കൂടി ലഭിച്ചു. ഇവയെ കുറിച്ചു കൂടുതല്‍ അന്വേഷിക്കണം. ബിനീഷിനെ കൂടുതല്‍ ദിവസം കസ്റ്റഡിയില്‍ വേണമെന്നും ഇ.ഡി. കോടതിയിൽ ആവശ്യപ്പെട്ടു.
ബിനീഷ് കോടിയേരിയെ കസ്റ്റഡിയില്‍ ചോദ്യം ചെയ്യാന്‍ എന്‍.സി.ബി. കോടതിയില്‍ അപേക്ഷ നല്‍കി. കസ്റ്റഡി കാലാവധി കഴിഞ്ഞതിനെ തുടര്‍ന്ന് എന്‍ഫോഴ്സ്മെന്റ് ഡയറക്ടറേറ്റ് ബിനീഷിനെ കോടതിയില്‍ ഹാജരാക്കി
