കൊച്ചി കളമശ്ശേരിയിലെ കാൻസർ ഇൻസ്റ്റിറ്റ്യൂട്ടിന്റെ നിർമ്മാണത്തിലിരിക്കുന്ന കെട്ടിടത്തിന്റെ ഭാഗം തകർന്നു വീണ സംഭവത്തിൽ യുഡിഎഫ് സംഘം ഇന്ന് സ്ഥലം സന്ദർശിക്കും. എറണാകുളം ജില്ലയിലെ യുഡിഎഫ് എംഎൽഎമാരും നേതാക്കളും രാവിലെ 10 മണിയോടുകൂടിയാണ് സന്ദർശനം നടത്തുക. കെട്ടിടം പൊളിഞ്ഞുവീണതിനെക്കുറിച്ചും നിർമാണ ചുമതലയുള്ള INKELനെതിരെ ഉയർന്നിരിക്കുന്ന വ്യാപകമായ അഴിമതി ആരോപണങ്ങളുടെയും പശ്ചാത്തലത്തിലാണ് യുഡിഎഫ് നേതാക്കൾ സംഭവസ്ഥലം സന്ദർശിക്കുന്നത്.