കൊവിഡ്-19 കൊണ്ടല്ലാതെ മരണപ്പെട്ട അനവധി ആളുകളുടെ മൃതദേഹങ്ങൾ ഗൾഫ് രാജ്യങ്ങളിലെ വിവിധ ആശുപത്രികളിലെ മോർച്ചറികളിൽ സൂക്ഷിച്ചിരിക്കുകയാണെന്നും അവരുടെ കുടുംബങ്ങളുടെ ആവശ്യവും അവരുടെ വേദനയും കണക്കിലെടുത്ത് കേന്ദ്ര സർക്കാർ അത്തരം മൃതദേഹങ്ങൾ തിരികെയെത്തിക്കാൻ വേണ്ട നടപടി സ്വീകരിക്കണം എന്നാവശ്യപ്പെട്ട് കോൺഗ്രസ് ലോക്‌സഭാ ചീഫ് വിപ്പ് കൊടിക്കുന്നിൽ സുരേഷ് എം.പി കേന്ദ്ര വിദേശകാര്യ മന്ത്രി ഡോ. ജയശങ്കറിനും കേന്ദ്ര വ്യോമയാന മന്ത്രി ഹർദീപ് സിംഗ് പുരിക്കും കത്ത് നൽകി.
അനവധി കുടുംബങ്ങൾ തങ്ങളുടെ ഉറ്റവർക്ക് വേണ്ട അന്തിമ ചടങ്ങുകൾ നടത്താനും അവർക്ക് വിട നൽകുവാനും അതീവ വേദനയോടെ കാത്തിരിക്കുകയാണ്. അതുകൊണ്ടു തന്നെ കേന്ദ്ര സർക്കാർ ഒരു കാർഗോ വിമാനം ഏർപ്പെടുത്തി അത്തരം മൃത ദേഹങ്ങൾ നാട്ടിൽ തിരികെയെത്തിക്കാൻ നടപടി സ്വീകരിക്കണമെന്നും കൊടിക്കുന്നിൽ സുരേഷ് എം.പി ആവശ്യപ്പെട്ടു.