എസ്എസ്എല്‍സി പരീക്ഷാ ഫലം പ്രഖ്യാപിച്ചു. 99.5 ശതമാനം വിജയമാണ് ഇത്തവണ. വിദ്യാഭ്യാസ മന്ത്രി വി ശിവന്‍കുട്ടിയാണ് ഫലപ്രഖ്യാപനം നടത്തിയത്. കഴിഞ്ഞവര്‍ഷം 99.69 ശതമാനം വിജയമായിരുന്നു. കഴിഞ്ഞ വര്‍ഷത്തേക്കാള്‍ 0.19 ശതമാനം കുറവ് ഈ വര്‍ഷമുണ്ടായിട്ടുണ്ട്. വിദ്യാര്‍ത്ഥികള്‍ക്ക് നാല് മണി മുതല്‍ വിവിധ വെബ്‌സൈറ്റുകളിലൂടെ ഫലം ലഭ്യമാകും.
എസ്എസ്എല്‍സി റെഗുലര്‍ വിഭാഗത്തില്‍ 4,26,697 വിദ്യാര്‍ഥികളാണ് പരീക്ഷയെഴുതിയത്. ഇതില്‍ 4,24,583 വിദ്യാര്‍ഥികളാണ് ഉപരിപഠനത്തിന് യോഗ്യത നേടിയത്. 61449 കുട്ടികള്‍ ഫുള്‍ എ പ്ലസ് നേടി. കൂടുതല്‍ പേര്‍ക്ക് ഫുള്‍ എ പ്ലസ് മലപ്പുറത്ത്. വിജയശതമാനം കൂടുതല്‍ കണ്ണൂരിലും കുറവ് തിരുവനന്തപുരത്തും ആണ്. സംസ്ഥാനത്തെ 72 കേന്ദ്രങ്ങളിലായി ഏപ്രില്‍ 3 മുതല്‍ 26 വരെയായിരുന്നു മൂല്യനിര്‍ണയം നടന്നത്. സംസ്ഥാനത്തൊട്ടാകെ 2964 കേന്ദ്രങ്ങളിലും ലക്ഷദ്വീപിലെ 9 കേന്ദ്രങ്ങളിലും, ഗള്‍ഫ് മേഖലയിലെ 7 കേന്ദ്രങ്ങളിലുമായാണ് പരീക്ഷ നടന്നത്. മാര്‍ച്ച് 3 മുതല്‍ 26 വരെയായിരുന്നു എസ്എസ്എല്‍സി പരീക്ഷ.
ഫലം ലഭ്യമാകുന്ന വെബ്‌സൈറ്റുകള്‍ ചുവടെ ചേര്‍ക്കുന്നു:
1. https://pareekshabhavan.kerala.gov.in
2. https://kbpe.kerala.gov.in
3. https://results.digilocker.kerala.gov.in
4. https://ssloexam.kerala.gov.in
5. https://prd.kerala.gov.in
6. https://results.kerala.gov.in
7. https://examresults.kerala.gov.in
8. https://results.kite.kerala.gov.in
