റാപ്പര്‍ വേടന്റെ സംഗീത പരിപാടിയിലെ തിക്കിലും തിരക്കിലും പെട്ട് നിരവധി പേര്‍ക്ക് പരിക്കേറ്റു. പാലക്കാട് കോട്ടമൈതാനത്തെ പരിപാടിക്കിടെയാണ് സംഭവം.
വന്‍ തിരക്ക് അനുഭവപ്പെട്ടതിനെ തുടര്‍ന്ന് വേദിയിലേയ്ക്കുള്ള പ്രവേശനം വൈകിട്ട് 6 മണിയോടെ അവസാനിപ്പിക്കേണ്ടി വന്നതിനാലാണ് വലിയ തോതില്‍ തിക്കും തിരക്കുമുണ്ടായത്. തിരക്ക് നിയന്ത്രിക്കാനായി പൊലീസിന് ലാത്തി വീശേണ്ടി വന്നു. സംഘാടകരും പൊലീസും തമ്മില്‍ ഉന്തും തള്ളുമുണ്ടായി. മൂന്ന് പാട്ട് മാത്രം പാടി പരിപാടി അവസാനിപ്പിക്കേണ്ടിയും വന്നു.
