കൊച്ചി: പുതുവർഷത്തലേന്ന് കേരളത്തിൽ റിക്കോർഡ് മദ്യ വില്പന. പുതുവർഷാഘോഷത്തിൽ കേരളം കുടിച്ച് തീർത്തത് 108 കോടി രൂപയുടെ മദ്യം. കഴിഞ്ഞ വർഷത്തേക്കാൾ 13 കോടി രൂപയുടെ അധിക മദ്യം വിറ്റഴിച്ചു. ഇക്കുറി രവിപുരം ഔട്ട്‌ലെറ്റിലാണ്ഏറ്റവും വലിയ വിൽപ്പന നടന്നത്.
ഇതിൽ ബെവ്‌കോ ഔട്ട്‌ലെറ്റുകള്‍ വഴി വിറ്റത് 96. 42 കോടിയുടെ മദ്യമാണ്. കഴിഞ്ഞ വര്‍ഷം പുതുവര്‍ഷത്തലേന്ന് വിറ്റഴിച്ചത് 99.77 കോടിയുടെ മദ്യമായിരുന്നു. 92.31 ലക്ഷം രൂപയുടെ മദ്യമാണ് രവിപുരം ഔട്ട്‌ലെറ്റില്‍ നിന്നു വിറ്റത്. രണ്ടാം സ്ഥാനത്തുള്ള തിരുവനന്തപുരം പവര്‍ഹൗസ് റോഡിലെ ഔട്ട്‌ലെറ്റില്‍ 86.65 ലക്ഷം രൂപയുടെ മദ്യം വില്‍പ്പന നടത്തി. മൂന്നാം സ്ഥാനം കൊച്ചി കടവന്ത്ര ഔട്ട്‌ലെറ്റിനാണ്. 79.09 ലക്ഷം രൂപയുടെ മദ്യമാണ് കടവന്ത്രയില്‍ വിറ്റത്.
