എസ് ഐ ആറില്‍ സമയം നീട്ടി നല്‍കിയത് കേസില്‍ നിന്ന് രക്ഷപ്പെടാനെന്ന് എഐസിസി ജനറല്‍ സെക്രട്ടറി കെസി വേണുഗോപാല്‍ എംപി. ജനാധിപത്യത്തെ കശാപ്പ് ചെയ്യുന്നു. നരേന്ദ്ര മോദി നടത്തുന്നത് ഫാസിസ്റ്റ് നയമെന്നും കെസി വേണുഗോപാല്‍ കൊച്ചിയില്‍ മാധ്യമങ്ങളോട് പറഞ്ഞു. സംസ്ഥാനത്ത് 2% സ്ഥലത്ത് പോലും കോണ്‍ഗ്രസിന് വിമതര്‍ ഇല്ല. പറ്റാവുന്ന രീതിയില്‍ യുവാക്കള്‍ക്ക് പ്രാധിനിത്യം കൊടുത്തിട്ടുണ്ട്. വെല്‍ഫയര്‍ പാര്‍ട്ടിയെ കുറിച്ചുള്ള നയം നേരത്തെ തന്നെ വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.
ഇഡിയുടെ ഹെറാള്‍ഡ് കേസ്് കോണ്‍ഗ്രസിനെ ലക്ഷ്യമിട്ടാണ്. ഈ കേസ് കൊണ്ടൊന്നും ഭയപ്പെടുത്തേണ്ടെന്നും കേന്ദ്ര ഏജന്‍സികള്‍ വേട്ടയാടുന്നതില്‍ പുതുമ ഇല്ലെന്നും അദ്ദേഹം കുറ്റപ്പെടുത്തി. കോണ്‍ഗ്രസില്‍ ആര്‍ക്കും അഭിപ്രായം പറയാന്‍ സ്വാതന്ത്ര്യമുണ്ട്. തിരഞ്ഞെടുപ്പില്‍ എത്ര ശക്തമായാണ് മോദിയെ എതിര്‍ത്ത് തോല്‍പ്പിക്കാന്‍ വേണ്ടി പാര്‍ട്ടി പ്രവര്‍ത്തിച്ചതെന്ന് ആലോചിക്കണമെന്നും അദ്ദേഹം പറഞ്ഞു.
