ഈരാറ്റുപേട്ട: മതവിദ്വേഷം പ്രചരിപ്പിക്കുന്ന പ്രസ്താവനയെ കുറിച്ച് നടത്തിയ ആരോപണവുമായി ബന്ധപ്പെട്ട് പി.സി. ജോര്‍ജ് മുൻകൂർ ജാമ്യഹർജിയുമായി കോടതിയെ സമീപിച്ചു. ചാനൽ ചർച്ചയിൽ അദ്ദേഹം നടത്തിയ പ്രസ്താവനയെ തുടർന്നാണ് കേസ് എടുത്തിരിക്കുന്നത്. രാഷ്ട്രീയ പ്രേരണയുള്ള ഒരു വിഷയമായി ഇത് കാണുന്നു എന്ന് അദ്ദേഹത്തിന്‍റെ മകന്‍ ഷോണ്‍ ജോര്‍ജ് പ്രതികരിച്ചു.
‘ഇന്ത്യയിലെ മുഴുവന്‍ മുസ്‌ലിങ്ങളും വര്‍ഗീയവാദികളായിരിക്കുകയാണ്, ഇവർ പാകിസ്താനിലേക്ക് പോകണം’ എന്നായിരുന്നു പി.സി.ജോര്‍ജ് ജനുവരി 6-ന് ചാനൽ ചർച്ചയിൽ നടത്തിയ പ്രസ്താവന. ഈ പ്രസ്താവനയെ തുടർന്ന് ഇവിടെയുള്ള മുസ്‌ലിം സംഘടനകൾ, കൂടാതെ ഈരാറ്റുപേട്ട മുനിസിപ്പല്‍ യൂത്ത് ലീഗ്, നിരവധി പ്രശ്‌നങ്ങൾ ഉന്നയിച്ചാണ് പരാതി നൽകിയത്. ഈരാറ്റുപേട്ട പോലീസ് മതസ്പര്‍ധ വര്‍ദ്ധിപ്പിക്കല്‍, കലാപപ്രേരണ തുടങ്ങി നിരവധി വകുപ്പുകള്‍ ചുമത്തി കേസെടുത്തിട്ടുണ്ട്.
