ബെംഗലൂരു മയക്കുമരുന്ന് കേസില് ബിനീഷ് കോടിയേരിയെ നാർക്കോട്ടിക് കണ്ട്രോള് ബ്യൂറോ (എന്സിബി) കസ്റ്റഡിയിലെടുത്തു. ബെംഗലൂരു സിറ്റി സെഷന്സ് കോടതിയാണ് ഈ മാസം 20 വരെ ബിനീഷിനെ എന്സിബി കസ്റ്റഡിയില് വിട്ടത്.
എന്സിബി അപേക്ഷ കോടതി അംഗീകരിക്കുകയായിരുന്നു.
ഇഡിയുടെ ചോദ്യം ചെയ്യലിന് ശേഷം ബെംഗളൂരുവിലെ പരപ്പന അഗ്രഹാര ജയിലിൽ റിമാൻഡിൽ കഴിയുകയായിരുന്നു ബിനീഷ്. കേസിലെ മുഖ്യപ്രതിയും ബിനീഷിന്റെ സുഹൃത്തുമായിരുന്ന മുഹമ്മദ് അനൂപിനെ നേരത്തെ തന്നെ എൻസിബി അറസ്റ്റ് ചെയ്തിരുന്നു.
നർകോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് (എൻഡിപിഎസ്) നിയമപ്രകാരം എൻസിബി കൂടി കേസെടുത്താൽ ബിനീഷിനു ജാമ്യം ലഭിക്കാനുള്ള പഴുതടയും.