എംവി ഗോവിന്ദന്റെ വെളിപ്പെടുത്തല്‍ നിലമ്പൂര്‍ തെരെഞ്ഞെടുപ്പില്‍ സിപഐഎമ്മിന് കനത്ത തിരിച്ചടി ഉണ്ടാക്കുമെന്ന് കെ.പി.സി.സി അദ്ധ്യക്ഷന്‍ സണ്ണി ജോസഫ് എംഎല്‍എ. ഗോവിന്ദന്‍ പറഞ്ഞത് സത്യമാണ്. ആര്‍എസ്എസുമായി പരസ്യബന്ധം സിപിഐഎം ഉണ്ടാക്കിയിരുന്നു. ഒളിഞ്ഞും തെളിഞ്ഞും ആര്‍ എസ്എസുമായി സിപിഐഎം ബന്ധത്തില്‍ ഏര്‍പ്പെട്ടു. വൈകിയാണെങ്കിലും എംവി ഗോവിന്ദന്‍ സത്യം സമ്മതിച്ചുവെന്നും സണ്ണി ജോസഫ് മാധ്യമങ്ങളോട് പറഞ്ഞു.
എംവി ഗോവിന്ദന്റെ ആര്‍എസ്എസ് പരാമര്‍ശത്തില്‍ പ്രതികരിക്കുകയായിരുന്നു പ്രതിപക്ഷ നേതാവ്. എം. സ്വരാജ് അതിനെ മറച്ചു വെക്കാനാണ് ശ്രമിച്ചതെങ്കിലും വൈകിയാണെങ്കിലും എംവി ഗോവിന്ദന്‍ സത്യം സമ്മതിച്ചുവന്ന് അദ്ദേഹം പരിഹസിച്ചു. അനിവാര്യമായ ഘട്ടത്തില്‍ ആര്‍എസ്എസുമായി ചേര്‍ന്ന് പ്രവര്‍ത്തിച്ചിട്ടുണ്ടെന്നായിരുന്നു സിപിഎം സംസ്ഥാന സെക്രട്ടറി എം.വി.ഗോവിന്ദന്റെ വിവാദ പരാമര്‍ശം. അത് പറയാന്‍ ഒരു മടിയുമില്ലെന്നും സത്യസന്ധമായി കാര്യങ്ങള്‍ പറഞ്ഞാല്‍ വിവാദമാക്കുന്നത് എന്തിനെന്നും അദ്ദേഹം കൂട്ടിച്ചേര്‍ത്തു. ഇതാദ്യമായാണ് സിപിഎം-ആര്‍എസ്എസ് ബന്ധം സംസ്ഥാന സംക്രട്ടറി തുറന്നു സമ്മതിക്കുന്നത്. മാതൃഭൂമി ചാനലിന് നല്‍കിയ അഭിമുഖത്തിലാണ് എം വി ഗോവിന്ദന്റെ തുറന്ന് പറച്ചില്‍. ജമാഅത്തെ ഇസ്ലാമി മുമ്പ് എല്‍ഡിഎഫിന് പിന്തുണച്ചത് അഭിമുഖത്തില്‍ അവതാരകന്‍ ഓര്‍മിപ്പിച്ചപ്പോഴായിരുന്നു പ്രതികരണം.
