മലപ്പുറം: മുഖ്യമന്ത്രിയുടെ മകൾ വീണാ വിജയൻ ഉൾപ്പെട്ട കരിമണൽ കോഴയുടെ കൂടുതൽ തെളിവുകൾ ഇന്ന് പുറത്തുവിടുമെന്ന് മാത്യു കുഴൽ നാടൻ എംഎൽഎ. കോടാനുകോടി രൂപ മുഖ്യമന്ത്രി പിണറായി വിജയനും കുടുംബവും കൈപ്പറ്റിയതിന്‍റെ തെളിവുകളാണ് പുറത്തു വരാനിരിക്കുന്നതെന്നും മാത്യു കുഴൽ നാടൻ പറഞ്ഞു. യൂത്ത് ലീഗിന്‍റെ മലപ്പുറം തിരൂരങ്ങാടി മണ്ഡല മാർച്ചിൽ സംസാരിക്കുകയായിരുന്നു അദ്ദേഹം. ഇന്ന് വൈകിട്ട് 6 ന് വാർത്താസമ്മേളനത്തിൽ കരിമണൽ കോഴയുടെ കൂടുതൽ തെളിവുകൾ പുറത്തുവിടുമെന്നും മാത്യു കുഴൽ നാടൻ അറിയിച്ചു