തിരുവനന്തപുരം : അന്താരാഷ്ട്ര വനിതാ ദിനം വഞ്ചനാദിനമായി ആചരിച്ച് മഹിളാ കോൺഗ്രസ്. ഇടതുസർക്കാരിന്റെ ജനാതിപത്യ വിരുദ്ധ നയങ്ങൾക്കെതിരെ സെക്രട്ടറിയേറ്റിനു മുൻപിൽ പ്രവർത്തകർ കഞ്ഞിവെച്ച് പ്രതിഷേധിച്ചു. വാളയാർ പെൺകുട്ടികളുടെ അമ്മയ്ക്ക് ഐക്യദാർഢ്യം പ്രഖ്യാപിച്ചും പാചക വാതക വില വർധനക്കെതിരെയുമാണ് വനിത ദിനം വഞ്ചനാ ദിനമായി ആചരിക്കുന്നത് എന്ന് പ്രതിഷേധം ഉദ്ഘാടനം ചെയ്തുകൊണ്ട് മഹിളാ കോൺഗ്രസ് സംസ്ഥാന അധ്യക്ഷ ലതിക സുഭാഷ് പറഞ്ഞു.