ദുബായ്: ഫിലിപ്പീന്‍സ് സ്വദേശികള്‍ക്ക് വിസ അനുവദിക്കുന്നത് കുവൈത്ത് താല്‍ക്കാലികമായി നിര്‍ത്തിവെച്ചു. എല്ലാത്തരം തൊഴില്‍ പ്രവേശന വിസകളും താല്‍ക്കാലികമായി നിര്‍ത്തിവെച്ചതായി കുവൈത്ത് ആഭ്യന്തര മന്ത്രാലയ വൃത്തങ്ങളെ ഉദ്ധരിച്ച് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. ഇരു രാജ്യങ്ങള്‍ തമ്മിലുള്ള തൊഴില്‍ ഉടമ്പടി പാലിക്കുന്നതില്‍ ഫിലിപ്പീന്‍സ് പരാജയപ്പെട്ടതിനാലാണ് ഈ തീരുമാനമെന്നും റിപ്പോര്‍ട്ടില്‍ പറയുന്നു. അതേസമയം ഈ തീരുമാനത്തെക്കുറിച്ചുള്ള അറിയിപ്പ് ഇതുവരെ ലഭിച്ചിട്ടില്ലെന്ന് ഫിലിപ്പീന്‍സ് എംബസി പ്രതികരിച്ചതായും റിപ്പോര്‍ട്ടില്‍ പറയുന്നു. തൊഴില്‍ കരാറിലെ വ്യവസ്ഥകളും വ്യവസ്ഥകളും ഫിലിപ്പീന്‍സ് ലംഘിച്ചുവെന്നും അതിനാലാണ് വിസ അനുവദിക്കുന്നത് താല്‍ക്കാലികമായി നിര്‍ത്തിയതെന്നും കുവൈത്ത് മാധ്യമങ്ങള്‍ റിപ്പോര്‍ട്ട് ചെയ്തു.
