തിരുവനന്തപുരം : മണ്ണെണ്ണയ്ക്ക് വില കുത്തനെ കൂട്ടി. ഒറ്റയടിക്ക് എട്ട് രൂപയാണ് ഒരു ലിറ്ററിന് കൂട്ടിയത്. ഇതോടെ ഒരു ലിറ്ററിന് 47 രൂപയായിരുന്നത് 55 രൂപയായി വര്ധിച്ചു. മൊത്ത വ്യാപാര വില ലിറ്ററിന് 6.70 രൂപയും കൂട്ടി. ചരിത്രത്തിലെ ഏറ്റവും വലിയ വില വര്ധനയാണ് ഉണ്ടായിരിക്കുന്നത്. മത്സ്യതൊഴിലാളികള്ക്ക് മണ്ണെണ്ണ വിലക്കയറ്റം കനത്ത തിരിച്ചടിയാകും.
നവംബര് മാസം മുതല് പുതുക്കിയ വിലയാണ് കമ്പനികള് ഈടാക്കുന്നത്. മണ്ണെണ്ണയ്ക്ക് പുതിയ വിലയാണ് റേഷന് വ്യാപാരികളില് നിന്ന് എണ്ണ കമ്പനികള് ഈടാക്കുന്നത്. മുന്ഗണനാ മുന്ഗണനേതര അങ്ങനെ എല്ലാ വിഭാഗക്കാര്ക്കും പുതിയ വിലയാണ് നല്കേണ്ടി വരുക.
45 രൂപയാണ് മണ്ണെണ്ണയുടെ അടിസ്ഥാന വില. ഇതിനൊപ്പം ഡീലര് കമ്മീഷന് ട്രാന്സ്പോര്ട്ടേഷന് നിരക്ക്, കേന്ദ്ര-സംസ്ഥാന സര്ക്കാരുകളുടെ ജിഎസ്ടി നികുതി രണ്ടരശതമാനം വീതം ഇതെല്ലാം അടങ്ങുന്ന ഹോള്സെയില് നിരക്കാണ് 51 രൂപ. ഇത് ജനങ്ങളിലേക്ക് എത്തുമ്പോള് 55 രൂപയാകും.