‘കേരളം ഭരിക്കുന്നത് കള്ളനെ താക്കോല്‍ ഏല്‍പ്പിച്ച സര്‍ക്കാര്‍’; പി.കെ കുഞ്ഞാലിക്കുട്ടി

Jaihind News Bureau
Saturday, November 29, 2025

കള്ളനെ താക്കോല്‍ ഏല്‍പ്പിച്ച സര്‍ക്കാരാണ് ഇപ്പോള്‍ കേരളം ഭരിക്കുന്നത് എന്ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി. മലപ്പുറം ജില്ലാ പഞ്ചായത്തിലെ നന്നമ്പ്ര ഡിവിഷനില്‍ യു.ഡി.എഫ് സ്ഥാനാര്‍ത്ഥിയായി മത്സരിക്കുന്ന ഷരീഫ് കുറ്റൂരിന്റെ തെരഞ്ഞെടുപ്പ് പ്രചാരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വര്‍ഗീയത ഉന്നയിച്ച് തെരഞ്ഞെടുപ്പില്‍ നേട്ടമെടുക്കാനാണ് ഇടതുപക്ഷം ശ്രമിക്കുന്നതെന്നും ജനങ്ങള്‍ അത് തിരിച്ചറിയുമെന്നും കുഞ്ഞാലിക്കുട്ടി പറഞ്ഞു. മുസ്ലിം ലീഗ് ദേശീയ വൈസ് പ്രസിഡന്റ് ഡോ. എം.പി അബ്ദുസമദ് സമദാനി എംപി, ഡി.സി.സി പ്രസിഡന്റ് അഡ്വ. വി.എസ് ജോയ്, മുസ്ലിം യൂത്ത് ലീഗ് സംസ്ഥാന ജനറല്‍ സെക്രട്ടറി അഡ്വ. പി.കെ ഫിറോസ്, തുടങ്ങിയവര്‍ പങ്കെടുത്തു.