കസ്റ്റഡിയില്‍ ചോദ്യം ചെയ്തപ്പോള്‍ ഇഡി ഉദ്യോഗസ്ഥര്‍ മര്‍ദ്ദിച്ചിട്ടില്ലെന്ന് അരവിന്ദാക്ഷനും ജില്‍സും കോടതിയില്‍ വ്യക്തമാക്കി. 13 ശബ്ദരേഖകള്‍ കേള്‍പ്പിച്ചുവെന്ന് എഴുതി ഒപ്പിടുവിച്ചുവെന്നും 6 ശബ്ദരേഖകള്‍ മാത്രമാണ് കേള്‍പ്പിച്ചതെന്നും അരവിന്ദാക്ഷന്‍ കുറ്റപ്പെടുത്തി. കേസിലെ മുഖ്യപ്രതി സതീഷ് കുമാറുമായി അരവിന്ദാക്ഷന്‍ നടത്തിയ ഫോണ്‍ സംഭാഷങ്ങളിലെ ശബ്ദം അരവിന്ദാക്ഷന്റേത് തന്നെയെന്ന് സ്ഥിരീകരിച്ചതായും എന്നാല്‍ ഒന്നും ഓര്‍മ്മയില്ലെന്ന് അരവിന്ദാക്ഷന്‍ മറുപടി നല്‍കുന്നതായും ഇഡി അഭിഭാഷകന്‍ കോടതിയോട് പറഞ്ഞു.