കൊച്ചി: കരുവന്നൂർ ബാങ്കിലെ കള്ളപ്പണമിടപാട് കേസിൽ ചോദ്യംചെയ്യലിന് ഇന്നും ഹാജരാകണമെന്ന് കാട്ടി സിപിഎം തൃശൂർ ജില്ലാ സെക്രട്ടറി എം.എം. വർഗീസിന് ഇഡി നോട്ടീസ് നല്‍കി. ഇന്നലെ എം.എം. വർഗീസ് ചോദ്യം ചെയ്യലിന് ഹാജരായിരുന്നില്ല. മെയ് ദിന പരിപാടികൾ ഉള്ളതിനാൽ വരാൻ സാധിക്കില്ലെന്നായിരുന്നു വർഗീസ് അറിയിച്ചത്. ഇന്ന് 11 മണിക്ക് കൊച്ചിയിലെ ഇഡി ഓഫീസിൽ എത്താനാണ് നിർദേശം. കഴിഞ്ഞ ദിവസം സിപിഎമ്മിന്‍റെ മരവിപ്പിച്ച അക്കൗണ്ടിൽ ഒരു കോടി രൂപ നിക്ഷേപിക്കാനെത്തിയത് ആദായ നികുതി വകുപ്പ് പിടിച്ചെടുത്തിരുന്നു. എം.എം. വർഗീസിൽ നിന്നും വിവരങ്ങൾ എഴുതി വാങ്ങിയിരുന്നു. ഈ തുകയെക്കുറിച്ചുള്ള ചോദ്യങ്ങള്‍ക്കും വർഗീസ് ഇഡിക്ക് മുമ്പില്‍ മറുപടി നൽകേണ്ടിവരും.