കണ്ണൂര് പിണറായില് സ്ഫോടനത്തില് സി പി എം പ്രവര്ത്തകന് പരിക്ക്. സ്ഫോടനത്തില് സി പി എം പ്രവര്ത്തകന് വിപിന് രാജിന് ഗുരുതര പരിക്കേറ്റു. പിണറായി വെണ്ടുട്ടായിയില് സ്ഫോടക വസ്തു കൈകാര്യം ചെയ്യുന്നതിനിടെയാണ് സ്ഫോടനം നടന്നത്. പൂവാടന് മീപ്പുരയ്ക്ക് സമീപത്തെ കനാല് കരയില് ആണ് സ്ഫോടനം നടന്നത്.
ഗുരുതരമായി പരിക്കേറ്റ വിപിന് രാജിനെ കണ്ണൂര് ചാലയിലെ സ്വകാര്യ ആശുപത്രിയില് പ്രവേശിപ്പിച്ചു. അപകടത്തില് വിപിന് രാജിന്റെ ഒരു കൈപ്പത്തി തകര്ന്നു. എന്നാല് പടക്കമാണ് പൊട്ടിയതെന്നാണ് പൊലീസ് നല്കുന്ന വിശദീകരണം. നിരവധി രാഷ്ട്രീയ അക്രമ കേസില് പ്രതിയാണ് വിപിന് രാജ്. കഴിഞ്ഞ വര്ഷം വെണ്ടുട്ടായിലെ കോണ്ഗ്രസ് ഓഫീസ് തകർത്ത കേസിലെ പ്രതിയാണ് വിപിന് രാജ്.
