കോഴിക്കോട് : കെ റെയിൽ വിഷയത്തിൽ യുഡിഎഫോ കോൺഗ്രസോ ഒരു വിട്ടുവീഴ്ചയ്ക്കും തയാറല്ലെന്ന് കെ മുരളീധരൻ എംപി. പാരിസ്ഥിതിക റിപ്പോർട്ട് ലഭിക്കാതെ സർക്കാർ എങ്ങനെയാണ് പദ്ധതി നടപ്പാക്കുക എന്നത് മുഖ്യമന്ത്രി വ്യക്തമാക്കണം. യഥാർത്ഥ വികസനത്തിനൊപ്പം യുഡിഎഫ് എന്നും ഉണ്ടാകുമെന്നും കെ മുരളീധരൻ എംപി പറഞ്ഞു. കോഴിക്കോട് കെപി കേശവമേനോൻ ഹാളിൽ നടന്ന കെ കരുണാകരൻ അനുസ്മരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.