മലപ്പുറം: മുഖ്യമന്ത്രി പിണറായി വിജയനും സിപിഎമ്മിനെതിരെയും പരസ്യമായി ആരോപണമുന്നയിച്ച പിവി അന്‍വര്‍ എംഎല്‍എക്കെതിരെ നിലമ്പൂരില്‍ സിപിഎം പ്രതിഷേധം. ചെങ്കൊടി തൊട്ടു കളിക്കണ്ട എന്ന ബാനറും അന്‍വറിന്റെ കോലവുമായാണ് പ്രകടനം നടക്കുന്നത്. ”ഗോവിന്ദന്‍ മാഷ് കൈ ഞൊടിച്ചാല്‍ വെട്ടിയരിഞ്ഞ് പുഴയില്‍ തള്ളും. ‘മര്യാദക്ക് നടന്നില്ലെങ്കില്‍ കൈയും കാലും വെട്ടിമുറിക്കും …’ എന്നിങ്ങനെ പ്രകോപനപരമായ മുദ്രാവാക്യങ്ങള്‍ മുഴക്കിയാണ് പ്രതിഷേധം.
എംഎല്‍എയുടെ ആരോപണത്തിന് എതിരെ പാര്‍ട്ടി പ്രവര്‍ത്തകര്‍ രംഗത്തിറങ്ങണമെന്ന് സംസ്ഥാന സെക്രട്ടറി എംവി ഗോവിന്ദന്‍ വാര്‍ത്താസമ്മേളനത്തില്‍ ആവശ്യപ്പെട്ടതിന് പിന്നാലെയാണ് പ്രകടനം. സിപിഎം ഏരിയ കമ്മറ്റിയുടെ നേതൃത്വത്തിലാണ് നിലമ്പൂര്‍ ടൗണില്‍ പ്രതിഷേധ പ്രകടനം നടന്നത്. മലപ്പുറം ജില്ലയെ കൂടാതെ കോഴിക്കോട്, കണ്ണൂര്‍ എന്നീ ജില്ലകളിലും കോട്ടയം പ്രവര്‍ത്തകര്‍ ഇടത് എംഎല്‍എക്കെതിരെ പ്രതിഷേധ പ്രകടനവുമായി ഇറങ്ങിയിട്ടുണ്ട്.
ഇന്ന് പിവി അന്‍വറുമായിട്ടുള്ള എല്ലാ ബന്ധവും അവസാനിച്ചെന്ന് എംവി ഗോവിന്ദന്‍ മാധ്യമങ്ങളോട് പറഞ്ഞിരുന്നു. ഇതിനു പിന്നായെ വാര്‍ത്താ സമ്മേളനം വിളിച്ച ഇടത് എംഎല്‍എ ഇനി മുതല്‍ നിന്നു കത്താനാണ് തീരുമാനം എന്നറിയിച്ചിരുന്നു. അതിന് പിന്നാലെ സിപിഎം പ്രവര്‍ത്തകരുടെ കൊലവിളി മുദ്രാവാക്യം.