കോഴിക്കോട്: പൗരത്വ ഭേദഗതി നിയമം തിരഞ്ഞെടുപ്പിന് തൊട്ടുമുമ്പ് തിടുക്കപ്പെട്ട് കൊണ്ടുവരുന്നതിന് പിന്നില്‍ രഹസ്യ അജണ്ടയെന്ന് തിരുവഞ്ചൂർ രാധാകൃഷ്ണൻ എംഎൽഎ. ഇതിനോട് യോജിക്കാൻ സാധിക്കില്ല. വർഗീയമായി ഇന്ത്യയെ വിഭജിക്കണമെന്ന തീരുമാനത്തിന്‍റെ ഭാഗമാണ് സിഎഎ ഈ സമയത്ത് തിരഞ്ഞെടുത്തത്. വരുന്ന ലോക്സഭാ തെരഞ്ഞെടുപ്പിൽ യുഡിഎഫിന് വമ്പിച്ച ഭൂരിപക്ഷം ലഭിക്കുമെന്നും അദ്ദേഹം പറഞ്ഞു. ടി.പി. ചന്ദ്രശേഖരൻ വധം ചർച്ചയാവുന്നത് സ്വാഭാവികമാണ്. അപ്പീൽ കോടതിയുടെ വിധി വന്നതോടെ യുഡിഎഫ് എടുത്ത നിലപാട് ശരിയാണെന്ന് തെളിഞ്ഞെന്നും തിരുവഞ്ചൂർ രാധാകൃഷ്ണൻ കോഴിക്കോട് പറഞ്ഞു.
