തിരുവനന്തപുരം: ലഹരി ഗുണ്ടാ മാഫിയ സംഘങ്ങൾ സംസ്ഥാനത്ത് അഴിഞ്ഞാടിയപ്പോൾ ഊരുചുറ്റിയ മുഖ്യമന്ത്രി രാജി വയ്ക്കണമെന്ന് ആവശ്യപ്പെട്ട് യൂത്ത് കോൺഗ്രസ് ക്ലിഫ് ഹൗസിലേക്ക് മാർച്ച് നടത്തി. പ്രവർത്തകർ ക്ലിഫ് ഹൗസിനു മുന്നിൽ വെച്ച് മുഖ്യമന്ത്രിയുടെ കോലം കത്തിച്ചു. രാജ്ഭവനു സമീപത്തു നിന്നും ആരംഭിച്ച മാർച്ച് ദേവസ്വം ബോർഡ് ജംഗ്ഷനിൽ പോലീസ് തടഞ്ഞു. തുടർന്ന് പ്രതിഷേധ പരിപാടി യൂത്ത് കോൺഗ്രസ് ജില്ലാ പ്രസിഡന്‍റ് നേമം ഷജീർ ഉദ്ഘാടനം ചെയ്തു.
